ഗ്രാമസഭ/വാര്ഡ്സഭ
ഒരു ഗ്രാമപഞ്ചായത്തിന്റെ ഭൂപ്രദേശത്ത് ഉൾപ്പെട്ട ഗ്രാമത്തിലെ വോട്ടർ പട്ടികയിൽ പേര് ചേർത്തിട്ടുള്ള എല്ലാ പൗരന്മാരും ചേർന്നതാണ് ഗ്രാമസഭ. നഗരസഭകളിലും മുനിസിപ്പാലിറ്റികളിലും ഇതേ സംവിധാനം വാർഡ് സഭ എന്നറിയപ്പെടുന്നു. തദ്ദേശ സ്വയംഭരണ സ്ഥാപനങ്ങളുടെ ജനാധിപത്യ പ്രവർത്തനത്തിന്റെ അടിസ്ഥാന ഘടകമാണ് ഗ്രാമസഭ / വാർഡ് സഭ.
ഗ്രാമസഭ / വാർഡ് സഭ അംഗങ്ങൾ
ഒരു വാർഡിലെ വോട്ടർ പട്ടികയിൽ പേര് ചേർത്തിട്ടുള്ള എല്ലാ വ്യക്തികളും ആ വാർഡിലെ ഗ്രാമസഭയുടെയോ വാർഡ് സഭയുടെയോ അംഗങ്ങളാണ്.
കൺവീനർ
വാർഡ് മെമ്പർ (ഗ്രാമപഞ്ചായത്ത്) അല്ലെങ്കിൽ വാർഡ് കൗൺസിലർ (മുനിസിപ്പാലിറ്റി) ഗ്രാമസഭ/വാർഡ് സഭയുടെ കൺവീനറാണ്. കൺവീനർക്ക് ചുമതല നിർവഹിക്കാൻ കഴിയാത്ത സാഹചര്യത്തിൽ തദ്ദേശഭരണ സ്ഥാപനത്തിന്റെ അധ്യക്ഷന് സമീപ വാർഡിലെ അംഗത്തെ കൺവീനറായി നിയമിക്കാം.
അദ്ധ്യക്ഷൻ
ഗ്രാമസഭയിൽ ഗ്രാമപഞ്ചായത്ത് പ്രസിഡന്റും, വാർഡ് സഭയിൽ മുനിസിപ്പൽ ചെയർപേഴ്സണുമാണ് അദ്ധ്യക്ഷത വഹിക്കുന്നത്. അവരുടെ അസാന്നിധ്യത്തിൽ വൈസ് പ്രസിഡന്റോ/ഡെപ്യൂട്ടി ചെയർപേഴ്സണോ, തുടർന്ന് കൺവീനറോ അദ്ധ്യക്ഷത വഹിക്കും.
യോഗം വിളിക്കൽ
ഗ്രാമസഭ / വാർഡ് സഭയുടെ യോഗം വിളിച്ചുചേർക്കേണ്ട ഉത്തരവാദിത്വം കൺവീനറായ വാർഡ് അംഗത്തിനാണ്.
ക്വാറം
ആകെ വോട്ടർമാരുടെ 10% ആണ് ക്വാറം. ക്വാറം തികയാതെ മാറ്റിവെച്ച യോഗം വീണ്ടും ചേരുമ്പോൾ 50 അംഗങ്ങൾ ഹാജരായാൽ ക്വാറം പൂർത്തിയായതായി കണക്കാക്കും.
പ്രത്യേക യോഗം
ഒരു വാർഡിലെ ആകെ വോട്ടർമാരുടെ 10% പേർ രേഖാമൂലം ആവശ്യപ്പെട്ടാൽ 15 ദിവസത്തിനകം പ്രത്യേക ഗ്രാമസഭ / വാർഡ് സഭ വിളിച്ചുചേർക്കേണ്ടതാണ്.
കോ-ഓർഡിനേറ്റർ
തദ്ദേശഭരണ സ്ഥാപനം നിശ്ചയിക്കുന്ന ഒരു ഉദ്യോഗസ്ഥൻ ഗ്രാമസഭയുടെ കോ-ഓർഡിനേറ്ററായിരിക്കും. യോഗങ്ങളുടെ ഏകോപനത്തിനും പ്രവർത്തനങ്ങൾക്കും കൺവീനറെ സഹായിക്കും.
ചോദ്യങ്ങളും നിർദ്ദേശങ്ങളും
അംഗങ്ങൾക്ക് യോഗത്തിന് മുമ്പോ യോഗത്തിനിടയിലോ ചോദ്യങ്ങളും നിർദ്ദേശങ്ങളും രേഖാമൂലം സമർപ്പിക്കാനുള്ള അവകാശമുണ്ട്.
പ്രമേയങ്ങൾ
ഗ്രാമസഭയുടെ അധികാരപരിധിയിലുള്ള വിഷയങ്ങളിൽ ഭൂരിപക്ഷത്തിന്റെ പിന്തുണയോടെ പ്രമേയങ്ങൾ പാസാക്കാവുന്നതാണ്.
| വിഭാഗം | പ്രധാന ചുമതലകൾ |
|---|---|
| A. പദ്ധതി ആസൂത്രണവും നിർവഹണവും |
|
| B. പൊതുസൗകര്യ പദ്ധതികൾ |
|
| C. മരാമത്ത് പ്രവർത്തനങ്ങൾ |
|